શ્રુતિ ફોન્ટના ફરજિયાત ઉપયોગ બાબત

વિષય:- શ્રુતિ ફોન્ટના ફરજિયાત ઉપયોગ બાબત

સંદર્ભ:- અધિક મુખ્ય સચિવશ્રી, ગૃહ વિભાગના ગાંધીનગરના તા.૦૫/૦૮/૨૦૧૫ના ઇ-મેઇલ

ઉપરોક્ત વિષય પરત્વે સંદર્ભમાં દર્શાવેલ અધિક મુખ્ય સચિવશ્રી, ગૃહ વિભાગ, ગાંધીનગરના તા. ૦૫/૦૮/૨૦૧૫ના ઇ-મેઇલની નકલ તેના બિડાણ સહિત આ સાથે સામેલ રાખી મોકલી આપેલ છે.

૨/-     પ્રસ્તુત પરિપત્રમાં જણાવ્યા મુજબ રાજ્ય સરકારના વિજ્ઞાન અને  પ્રૌધિગિકી વિભાગના તા.૨૫/૦૯/૨૦૦૭ તથા તા. ૨૨/૦૮/૨૦૧૨ના ઠરાવથી રાજ્ય સરકારના વિવિધ વિભાગો તથા તેમના હસ્તકની તમામ કચેરીઓમાં કોમ્પ્યુટરમાં ગુજરાતી ભાષામાં કરવામાં આવતી કામગીરીમાં એકસૂત્રતા આવે અને યુનીકોડ સ્ટાન્ડર્ડ ગુજરાતી ભાષાની સોફ્ટ્વેર ઉપયોગમાં લેવામાં આવે તે માટે માઇક્રો સોફ્ટ કંપનીના ગુજરાતી ફોન્ટ સહિતનું “MS OFFICE-2003 INDIC” અને તેની અધ્યતન આવૃતિ “MS OFFICE-2007 INDIC” ને કોમન ગુજરાતી ભાષાના સોફટ્વેર તરીકે જાહેર કરવામાં આવેલ છે.

૩/-     વિભાગ અને તેના હસ્તકની તમામ કચેરીઓ વચ્ચે ગુજરાતી ભાષામાં થતા માહિતીના આદાન પ્રદાનમાં શ્રુતિ ફોન્ટ સિવાયના જુદા-જુદા ફોન્ટનો ઉપયોગ કરવામાં આવે છે. પરિણામે માહિતીનું સંકલન કરી, આખરીકરણ કરવામાં મુશ્કેલી પડે છે. જેથી ગુજરાતી ભાષામાં કરવામાં આવતી તમામ કામગીરી અને માહિતીના આદાન પ્રદાન માટે શ્રુતિ ફોન્ટનો ઉપયોગ કરવા સુચના આપવામાં આવે છે. આ સુચનાઓ ચુસ્તપણે અમલ કરવાનો રહેશે. તેમજ શ્રુતિ ફોન્ટ સિવાયના અન્ય ફોન્ટનો ઉપયોગ કરનાર જેતે ખાતાના/કચેરીના વડા જવાબદાર ગણાશે.

“ પોલીસ મહાનિદેશકશ્રીના હુકમથી ”